தலைச்சுற்றை நீங்கும் கறிவேப்பிலை தைலம்

Posted in மருத்துவம்

தலைச்சுற்றை நீங்கும் கறிவேப்பிலை தைலம்இந்த தைலத்தை தலைவலி வரும் சமயங்களில்


தேய்த்து வந்தால் தலை பாரம், தலைச்சுற்றி போன்ற பிரச்சனைகள் தீரும். இந்த தைலம் எப்படி செய்வது என்பதை பார்க்கலாம்.

தேவையான பொருட்கள் :

கறிவேப்பிலை – 100 கிராம்

பச்சை கொத்தமல்லி – 25 கிராம்

சீரகம் – 25 கிராம்

நல்லெண்ணை – 300 கிராம்

பசுவின் பால் – 100 மில்லி

செய்முறை :

கறிவேப்பிலையை காம்புகள் நீக்கி நன்றாக அரைத்துக் கொள்ளவும். பச்சைக் கொத்துமல்லியையும் மையாக அரைத்துக் கொள்ளவும். சீரகத்தை சுத்தம் செய்து மண் சட்டியில் போட்டு 200 மி.லி. பாலை ஊற்றி ஆறு மணி நேரம் மூடி வைத்திருந்து சீரகத்தை எடுத்து நன்றாக அரைத்துக் கொள்ளவும். ஒரு மண்பானையில் நல்லெண்ணையை ஊற்றி அடுப்பில் வைத்து சிறிது சூடேறியதும் அரைத்து வைத்துள்ள கறிவேப்பிலையை போடவும்.

ஐந்து நிமிடங்கள் மேலும் சூடேறியப் பிறகு பச்சை கொத்துமல்லியைப் போடவும். அதன் பின் ஐந்து நிமிடங்கள் கழித்து சீரகத்தையும் போட்டு, தைலப்பதம் வந்ததும் இறக்கி ஆறவிடவும். ஆறியதும் மெல்லிய துணியில் வடிகட்டிக் கொள்ளவும்.

நான்கு நாட்களுக்கு ஒரு முறை நல்லெண்ணைக்கு பதிலாக கறிவேப்பிலைத் தைலத்தை தேய்த்து குளிக்கலாம். தைலத்தை தேய்த்து குளிக்கும் அன்று மட்டும் குளிர்ந்த உணவு உண்பதை தவிர்க்க வேண்டும். இது உடல் சூட்டை குறைக்கும்.

.